لو سمحتو اوجدولى حل

[Prince of Romance]

ياجماعه الواحد زهق من الحياه والعيشه نعمل ايه ناس قالتلى انتحر قولتلهم هموت كافر وناس قالتلى اتجوز قولتلهم مراتى هتقرفنى اكتر وهى الى هتخلينى انتحر اعمل ايه عايز حل

[Youri]

روح نام :wink:

إيه المشكلة .. زهقت من حياتك بدري كده ليه ؟

انت لسه مشفتش فيها أي حاجة :D

[Prince of Romance]

ياعم الواحد قرف من الحياه دى حياه كلها نكد وقليل لما تلاقى لحظة فرحه

[{ زائــــــــــــــــــر }]

انت زهقت من الحياه يبقى انت علاقتك مع ربنا مش كويسه علشان كده انت لازم تصلح علاقتك مع ربنا وتحاول تصلى كل الفروض فى الجامع وتحاول تكثر من قراءه القران الكريم

[Prince of Romance]

انا بصلى وكل حاجه بس القران الحقيقه مش بقراه كتير

[EA]

السلام عليكم
طبعا لازم الواحد يتقرب لربنا و يقرأ قران لان ده هيخليك تفكر بطريقه اصفي و كمان يبص علي الحاجات الحلوه الكتييييير الموجوده عنده
جرب امشي في الشارع و بص علي الي حواليك بطريقه غير الي شايفها دلوقتي
يعني لو شفت ست عجوزه بتشحت مثلا قول الحمد لله علي الي انت فيه
برضه بص علي النشره بطريقه تانيه الناس الي بتموت قول الحمد لله انهم مش من مصر من اهلك مثلا بعد الشر فكر بطريقه تانيه و حاول تعمل لنفسك قائمه بالحاجات الي لسه عايز تعملها و الي عايز تغيره فيك و في الي حواليك اكتب براحتك لان محدش هيحاسبك علي الي كاتبته و مفيش درجات عليه بس انت اعمل كده و هتستني بكره يجي علشان تحاول تحقق الي انت عايزه يعني ده رأيي بصراحه و معلش طولت عليك :)

[أميرة الرومانسية]

ايه الكلام ده لا طبعا المفروض تصلى وتقرا قران علشان ربنا يحفظنا وكمان مين الا بيقولك انك تنتحر ايه الهبل ده انت بصراحه مجنون

[أميرة الرومانسية]

ايه الكلام ده لا طبعا المفروض تصلى وتقرا قران علشان ربنا يحفظنا وكمان مين الا بيقولك انك تنتحر ايه الهبل ده انت بصراحه مجنون

[TariQ]

اسمع منى احلى كلام ، انت تحاول تغير جو ،ازاى؟ مثلا تسافر ،تروح تصيف كده يعنى ،،،،والا تبقى انت اللى عاوز النكد،ولا ايــــــــــه :)

[{ زائــــــــــــــــــر }]

امال ايه بقى امير الروماسيه :P :P :P :P

[{ زائــــــــــــــــــر }]

انصحك نصيحة و أرجو الله تعالى أن ينفعك بها ألا وهى التقرب إلى الله عن طريق حفظ القرآن وحضور دروس العلم فى المساجد وخاصة دروس الرقائق الإيمانية لأنها ترقق القلب إلى الله وتجعله مشتاق إلى الجنة ورؤية الله -عز وجل- تانى حاجة شارك هى الأعمال الخيرية عن طريق الجمعيات الخيرية واذهب إلى المستشفيات لزيارة المرضى لكى تشعر بنعمة الله عليك فى كل مريض ابتلاه الله ببلاء معين أو مرض معين واشكر الله على نعمه عليك اللتى لا تعد ولا تحصى اللتى تعلمها واللتى لا تعلمها وادعى دائما الى الله وسارع بالتوبة وجدد إيمانك فإذا شعرت بالإيمان حقا فستشعر انك اتولدت من جديد وتتمنى لو كنت تعبد الله بحق من زمان واسمع شرائط دينية للدكتور/ حازم شومان ,وشيوخنا الأجلاء الشيخ ( محمد حسان , محمد حسين يعقوب ,ابو إسحق الحوينى ) عن طريق مواقعهم الإلكترونية وغيرهم من الشيوخ الأفاضل واعلم ان هذه الحالة اللى انت فيها ما هى إلا من الشيطان والبعد عن الله فتقرب إلى الله تكن أسعد الناس هى الدنيا والآخرة . أرجو أن تستفيد من كلامى بإذن الله وانتظر الرد قريبا إن شاء الله بس بعد ما تنتظم فى صلاتك وعبادتك وتغير حياتك لله وأتمنى من الله ألا اكون طولت عليك والسلام عليكم ورحمة الله وبركاته .

[likly_man]

ايه يا معلم لسه بدرى اوى على الكلام ده واعمل حسابك هتقوله كتير اوى لما تكبر لكن دلوقتى انتا فى احسن فترات حياتك فا متنكدش على نفسك :D وعلى اهلك :D وعلينا احنا كمان :lol:

تمام؟ وطبعاا زى ما الناس الافاضل دى كلها قالتلك لازم متبعدش من ربنا الفتره دى عشان يحفظك وبلاش قصص الانتحار ونبى عشان دى فكره بتدل على حاجات كتير منها شخصيه صاحبها... اللى انتا اصلا بتكون الشخصيه فى فترتك دى فبلاش تبنيها بالطريقه دى....اتمنى انك تكون فهمت قصدى....

[likly_man]

اقولك حاجه احسن قدم فى كليه عسكريه يا بن الناس وانتا هتعرف :D واللهى احسن ليك من الكلام الفارغ اللى انتا بتتكلم فيه...

[amira]

ايه يا بني الكلام اللي انت بتقوله ده انت لسه صغير امال بعدكم سنه هتعمل ايه ارجع لربنا وهو الوحيداللي يقدر يفرج همك واتكلم مع حد بترتاحله وشوف ايه اللي مضايقكوخليه يساعدك في حلها وربنا معاكومعانا

[amira]

ممكن طلبيا استازيوريعايزاك تلغيلي عضويتي من الموقع

[Youri]

ليه كده ؟ 8O

[amira]

معلش بس لو سمحت ممكن تنفز لي طلبي

[Prince of Romance]

ياجماعه شكرا على ردودكم والنصايح دى وانا مش مجنون ولا حاجه بس انا مخنوق شويه

[أميرة الرومانسية]

من ايه ان شاء الله يا استاذ؟؟؟؟؟؟؟؟؟؟؟؟؟؟؟

[أميرة الرومانسية]

ايه الا خنقك ان شاء الله :roll: :roll:

[Prince of Romance]

مخنوق من الدنيا

[Fear_Allah]

السلام عليكم
أعتقد يا أمير ان مشكلتك نسبة كبيرة منها ناتجة عن الفراغ.فعلا الفراغ يجعل الانسان زهقان وانت طبعا فى الاجازة ومفيش مذاكرة ولا اى حاجة شاغلاك.
بس اعتقد انى ممكن يكون عندى حل وحاول تجربه ومش هتخسر حاجة ان شاء الله.
فيه أكاديمية دينية عالنت اسمها أكاديمية الوحيين يمكن تكون سمعت عنها.أنا شفت فيها دورات جديدة للرجال وتقريبا لسه باب القبول فيها مفتوح.الق نظرة عالموقع كده يمكن يعجبك وتقدم فيها ان شاء الله.
www.alwhyyn.net
وربنا يوفقنا الى ما يحبه ويرضاه

[Prince of Romance]

متشكر اوى وربنا يقويك على فعل الخير يا اخى

[{ زائــــــــــــــــــر }]

ليه

[{ زائــــــــــــــــــر }]

ليه
:cry:

[Eman]

كى تكون سعيدا يجب ان يكون كوبك فارغا :wink: